हिन्दू धरम शारदीय नवरात्र कय इंतजार हर कोउ बहुत बेसब्री से करैत अहै। इ नौ दिन पूरी तरे से मां अम्बे कय भक्ति, शक्ति कय उपासना अउर घर मां सकारात्मक ऊरजा लावै कय होत अहै। साल 2026 मां 11 अक्टूबर, एतवार से इ पावन दिनन कय सुरुआत होइ गवा अहै। पूरा नौ दिन तक मां कय अलग-अलग सरूपन कय पूजा कैकै, 20 अक्टूबर, मंगरवार कय दसहरा कय साथे इ महापर्व कय समापन होइ जाई।
नवरात्र कै दौरान लगभग हर घर मां कलश स्थापना होत अहै। भक्त माता कय दरबार सजावत अहैं अउर श्रद्धा भाव से अखंड जोतिहौ जरवात अहैं। तौ इ नवरात्र अगर आप माता की चौकी स्थापित करै कय सोचत अहैं तौ ओसुन्त जुड़ल नियमहौ जानब बहुत जरुरी अहै।
चौकी स्थापित करै कय सही दिसा
वास्तु शास्त्र कय अनुसार, घर कय ईशान कोण यानी उत्तर-पूरब दिसा देवी-देवतान कय मुख्य स्थान मानल गवा अहै। एहीसे, चौकी हमेशा एही दिसा मां लगावा। अगर कौनों वजह से हुआ जगह न बन पावै, तौ उत्तर या पूरब दिसा भी सुभ मानल जात अहै। कोसिस करब कि जब आप पूजा करै बैठीं, तौ आपका चेहरा भी पूरब या उत्तर कय ओर ही होय।
चौकी स्थापित करै से पहिले ओहि जगह कय अच्छें से साफ कै लेब अउर लकड़ी कय चौकी पर लाल या पियर रंग कय साफ कपड़ा जरूर बिछावा।
चौकी सजावत समै इ 5 बातन कय रखब ध्यान
1. माता कय चौकी कय आसपोस भूलिकैजूता-चप्पल, झाड़ू या कबाड़ न रहै पावै। पूजा कय स्थान एकदम सुद्ध अउर साफ होइच चाही।
2. पूजा मां हमेशा साबुत अउर साफ-सुथरी मूर्ति, तसवीर अउर कलश कय ही इस्तेमाल करब। टूटी या खंडित चीज रखना धार्मिक दिस्टि से सुभ न मानल जात अहै।
3. अगर आप 9 दिनन खर्तिन अखंड जोति जरावै अहैं, तौ ओहूके अइसे जगह रखब जँहा से परदा, कागज या कपड़ा दूर होय। जोति कय स्थान सुरक्षित अउर हवा से दूर होइच चाही।
4. चौकी अइसे जगह स्थापित करब जँहा से लोगन कय जादा आना-जाना न होय। बार-बार लोगन कय गुजरै से पूजा मां ध्यान भटकत अहै अउर ब्यवस्था भी बिगड़ सकत अहै।
5. मां दुर्गा कय पूजा मां हमेशा ताजा फूल ही चढ़ावा चाही। पूजा घर मां चढ़े भवा पुरान या सूखा फूलन कय जादा समै तक न छोड़ब, ओहूके नियमित रूप से हटालत रहब।
