पंजाब मां बरखा कै नाते तापमान मां ३.८ डिग्री कै गिरावट आवा अहै। अब पारा सामान्य से ५ डिग्री नीचे पहुंच गवा बा। राज्य मां सबसे अधिक २९.९ डिग्री सेल्सियस कै पारा बठिंडा अउर जालंधर का दर्ज कीन्हा गवा।
बीफे का पठानकोट मां २९.० एमएम, पटियाला मां १२.६ एमएम, गुरदासपुर मां ६.१ एमएम, बठिंडा मां ५.० एमएम, अमृतसर मां ३.० एमएम, जालंधर मां भी ३.० एमएम अउर लुधियाना मां १.४ एमएम बरखा दर्ज भवा। मौसम विभाग आजउ तीन जिला पठानकोट, गुरदासपुर अउर होशियारपुर मां कुछ जगह पै हल्का से मध्यम बरखा होय कै चेतावनी दीहिन अहै।
बरखा के बाद परदेस के कईयन सहरन मां अधिकतम तापमान ३० डिग्री से नीचे दर्ज कीन्हा गवा। अमृतसर मां अधिकतम तापमान २६.५ डिग्री सेल्सियस, पटियाला मां २६.८ डिग्री, लुधियाना मां २८.८ डिग्री अउर पठानकोट मां २७.८ डिग्री रहा। अमृतसर मां पिछला दिन के मुकाबले तापमान ५.४ डिग्री अउर पटियाला मां ५.५ डिग्री गिर गवा। बठिंडा अउर जालंधर मां अधिकतम तापमान २९.९ डिग्री सेल्सियस दर्ज भवा।
मौसम विभाग के मुताविक राज्य कै औसत न्यूनतम तापमान पिछला दिन के तुलना मां ०.२ डिग्री बढ़िन, पै इ सामान्य से २.८ डिग्री नीचे रहा। बठिंडा मां सबसे कम न्यूनतम तापमान १७.६ डिग्री सेल्सियस दर्ज कीन्हा गवा।
सबेरे ८:३० बजे से संझा ५:३० बजे तक भी कुछ छेत्रन मां बरखा जारी रहा। इ समे मां पठानकोट मां ३१.५ एमएम, गुरदासपुर मां १५.५ एमएम अउर फरीदकोट मां १८.५ एमएम बरखा दर्ज भवा। मौसम विभाग कै अनुमान के मुताविक सुखुकवार का पंजाब मां कुछ जगह पै मौसम से जुड़ल गतिविधि होइ सकत अहै। एकर बाद १७ से २१ अक्टूबर तक राज्य मां मौसम सूखा रहै कै अनुमान बा।
