अजीत अगरकर के रहत जो रहें परेशान, अब फेर से बनैहें टीम इंडिया कै शान

भारत कै पूर्व तेज गेंदबाज अजीत अगरकर जब बीसीसीआई कै सीनियर सेलेक्शन कमेटी के चेयरमैन रहें तबे कई खिलाड़ीन कै वापसी कै इंतजार, इंतजार ही रह गवा। जैसे ही अगरकर गए दुइ जनै कै वापसी होइ गवा। इसी से उम्मीद जागा अहै कि अब ओहू खिलाड़ी वापस से टीम इंडिया कै शान बन सकत अहैं जो लम्बे समय से बाहर चल रहैं या नजरअंदाज कीन जाइ रहैं।

नये चीफ सेलेक्टर प्रज्ञान ओझा कै अध्यक्षता मा न्यूजीलैंड दौरा कै ताईं भारत कै टी20 टीम कै चयन कीन गवा। इमा दुइ अइसन खिलाड़ीन कै वापसी भवा जिकर उम्मीद हर कोई छोड़ चुका रहा। इ दुइ खिलाड़ी भुवनेश्वर कुमार अउर क्रुणाल पांड्या अहैं। दुनू आईपीएल से लइके घरेलू क्रिकेट मा लगातार नीक प्रदर्शन कर रहैं अउर इसी के दम पर वापसी कै उम्मीद रहा, पै अगरकर मौका ना देत रहैं। अइसने कुछ अउर खिलाड़ी अहैं जो अब टीम मा वापसी कै उम्मीद लगा सकत अहैं।

इ खिलाड़ीन कै होइ सकत अहै वापसी

मोहम्मद शमी
इ लिस्ट मा पहिला नाम मोहम्मद शमी कै अहै। चैंपियंस ट्रॉफी-2025 के बाद टीम इंडिया से बाहर गवा इ दाहिना हाथ कै तेज गेंदबाज घरेलू क्रिकेट मा लगातार खेलत अहै अउर नीक प्रदर्शन करत अहै। हालाँकि, उनकौ मौका ना मिला। शमी अउर अगरकर के बीच एक तरहा कै लड़ाई देखाई दिहिन जसमा पूर्व चीफ सेलेक्टर कई बेर कहिन कि हम्मर लगे शमी कै फिटनेस कै जानकारी ना अहै। वहीं, शमी कहिन कि सेलेक्टरउनसे उनकौ फिटनेस कै बारे मा पूछतहीं ना अहैं जबकि वह लगातार खेलत अहैं जो अपने आप मा साबित करत अहै कि फिटनेस कइसै बा। अब जब भुवनेश्वर वापस लौट चुकै अहैं तौ उम्मीद जताई जात अहै कि शमी कौ भी मौका मिल सकत अहै।

उmeshyadav (उमेश यादव)
शमी की तरह अउर उनके साथ लम्बे समय तक भारत कै टेस्ट टीम कै तेज गेंदबाजी आक्रमण कय सम्हाले वाले उमेश यादव भी टीम इंडिया से बाहर अहैं। उमेश तौ दुइ साल से फर्स्ट क्लास क्रिकेट भी ना खेलैं रहें। रणजी ट्रॉफी के इ सीजन मा उनकर वापसी भवा अहै अउर पंजाब कै ताईं खेलत अहैं। असम के खिलाफ पहली पारी मा पाँच विकेट लइके वह बताइ दिहिन कि वह फॉर्म मा अहैं। अइसै मा अगर उमेश अब वापसी कर जाँय तौ हैरानी ना होइ।

दीपक चाहर
अपनी स्विंग से भारतीय टीम कै अहम हिस्सा बने वाले दीपक चाहर एहि समय बाहर अहैं। वह चोटन से लगातार परेशान रहें एहिसे टीम से बाहर चल रहैं, पै फिट होए के बाद उनकौ मौका ना मिला। अब नये चीफ सेलेक्टर के रहत हुए उनकर भी वापसी कै उम्मीद जागा अहै। इकर एक कारण उनकर ऑलराउंड खेल भी अहै जिकौ गौतम गंभीर तरजीह देत अहैं। हार्दिक पांड्या अउर नीतीश कुमार रेड्डी लगातार चोटिल होत अहैं तौ दीपक उनकर विकल्प के तौर पर सही खिलाड़ी साबित होइ सकत अहैं।

रजत पाटीदार
साल 2024 मा इंग्लैंड के खिलाफ टेस्ट सीरीज मा डेब्यू करे वाले रजत पाटीदार आईपीएल से लइके घरेलू क्रिकेट तक मा दमदार खेल देखाइ दिहिन, पै उनकौ मौका ना मिला अहै। टेस्ट मा कमजोर मिडिल ऑर्डर मा रजत जान फूँक सकत अहैं। बहुत संभावना अहै कि उनकर भी टीम मा वापसी होइ जाइ।