फिल्म ‘सैयारा’ से मनइन क दिल जीतै वाली अनीत पड्डा अब अपनी आवै वाली वेब सीरीज ‘हुंकार-द रोर’ का लइके खूब चर्चा बटोरत अहैं। एका आज ट्रेलर रिलीज होइ गवा अहै। ई क्राइम थ्रिलर सीरीज मा अनीत पड्डा शोषण क खिलाफ आवाज उठावत देखाई देइहैं। वंही, फातिमा सना शेख ई पूरे मामला क जांच-पड़ताल करत अहैं। अनीत क शोषण के कीहिस? ई क्राइम थ्रिलर सीरीज ‘हुंकार’ जियो हॉटस्टार पर आई।
अनीत एक साहसी अउर निडर बिटिया ‘मीनू’ क रोल निभावत अहैं। 17 साल क मीनू अपने साथ होय वाले अन्याय क विरोध करत अहै। मीनू ‘बापजी’ पर शोषण क आरोप लगावत अहै, जे बहुतै बड़ा अउर रसूखदार मनई अहै। मामला पुलिस तक पहुंच जात है। फातिमा सना शेख पुलिस अफसर क रोल मा अहैं। केस क जांच करत समय मीनू (अनीत) क सामने बहुतै मुसीबत अउर चुनौतियां आवत अहैं। हिंया तक कि ओकर अपने भी ओकरे ऊपर शक करै लागत हैं।
फातिमा सना शेख कीहिन जांच-पड़ताल
मीनू क आरोप क जांच मा कई ठौ सनसनीखेज खुलासा होत हैं। जब समय खराब रहत है तौ अपने भी साथ छोड़ देत हैं। मुला मीनू अइसन मुश्किल घड़ी मा भी हिम्मत नाहीं हारत अउर निडर होइके सच बोलत है। फातिमा ई सच का साबित करै खातिर सबूत बटोरत अहैं।
ई सीरीज क निर्देशन करण डी कपाडिया, नित्या मेहरा अउर हीराज मरफतिया कीहिन अहै। एका बिड़ला स्टूडियोज अउर अप्लॉज एंटरटेनमेंट मिलके प्रोड्यूस कीहिन अहै। प्रियंका चोपड़ा ई सीरीज क कार्यकारी निर्माता (एग्जीक्यूटिव प्रोड्यूसर) अहैं।
कब रिलीज होइ ई सीरीज?
ट्रेलर जारी करत समय कैप्शन मा लिखा गा अहै, “जब एक बिटिया क आवाज समाज क भक्ति से टकराई तौ जीत केकर होइ?” ‘हुंकार’ वेब सीरीज 25 सितंबर से जियो हॉटस्टार पर स्ट्रीम होइ। ई सीरीज मा मोहम्मद जीशान अय्यूब, अर्जुन माथुर, रघुबीर यादव अउर राम कपूर भी खास रोल मा देखाई देइहैं।
