उत्तर प्रदेश मा बियफै के दिन मौसम क मिजाज बदलि गा अउर आंधी-पानी के साथ ओला गिरेन। इत्ते से तेज घाम अउर गर्मी से राहत मिली है। सबसे ढेर तापमान मा 10 से 12 डिग्री सेल्सियस तक क गिरावट दर्ज की गई। सनीचर से तापमान मा फिर बढ़ती सुरु होइ। वंहीं 4 मई से दोबारा हल्का बरखा के आसार अहैं।
इकरे पहिले आंधी-पानी के असर से अयोध्या, वाराणसी, कानपुर, बलिया अउर गाजीपुर समेत कई जिलन मा दिन क तापमान घटिके 30 डिग्री सेल्सियस के आसपास आइ गवा। एकरे उलट उरई 43.6 डिग्री के साथ प्रदेश मा सबसे गरम ठौर रहा। अयोध्या मा 19.5 डिग्री के साथ सबसे ठंडी रात रही। अमेठी मा तापमान सामान्य से करीब 9.9 डिग्री नीचे पहुँचि गवा। बाराबंकी अउर गाजियाबाद मा कई जगह ओला भी गिरे।
कइल से फिर चढ़ी पारा
आंचलिक मौसम विज्ञान केंद्र, लखनऊ के वरिष्ठ वैज्ञानिक अतुल कुमार सिंह के बतावे के मुताबिक सुकवार से बरखा क दायरा कम होय लागी। पूरब अउर तराई वाले इलाकन मा कहूँ-कहूँ हल्की बूंदाबांदी होइ सकत है। सनीचर से तापमान मा फिर बढ़ती सुरु होइ। 4 मई से सक्रिय होय वाले नये पश्चिमी विक्षोभ के असर से कुछ इलाकन मा दोबारा हल्का बरखा के आसार अहैं।
