फ्रांस मां सोमवार कै एक 14 बरिस कै लरिका मिडिल स्कूल मां गोलीबारी कीन। स्थानीय अधिकारियन कै मुताबिक छात्र गोलीबारी करिकै हेडमास्टर अउर टीचर कै घायल करि दीहिन।
छात्र कीन गोलीबारी, तीन लोग घायल
अधिकारियन मामला कै जानकारी देतै बताइन कि छात्र शिकार करै वाली राइफल से गोलीबारी कीन। गोलीबारी मां स्कूल कै हेडमास्टर अउर एक टीचर घायल होइ गवा। जेकर बाद स्कूल कै एक स्टाफ मेंबर उससे हथियार छीन लिहिस। पुलिस मामला कै जानकारी देतै बताइन कि ये घटना मार्सिले कै पास दक्षिणी शहर औबाग्ने कै जोसेफ-लाकानल मिडिल स्कूल मां भवा, जंवा गोलीबारी मां एक तीसरा आदमी भी मामूली रूप से घायल होइ गवा। पुलिस संदिग्ध कै हिरासत मां लेइ लिहिस अहै।
हाईस्कूल विरोध प्रदर्शन से नाहीं अहै संबंध
अधिकारियन कै कहब अहै कि एह घटना कै हाल ही मां फ्रांस मां भवा हाईस्कूल विरोध प्रदर्शनन से कोई संबंध नाहीं लागत अहै। मार्सिले कै डिप्टी पब्लिक प्रॉसिक्यूटर ऑड्रे जुआनेटोन कहिन, “संदिग्ध एक झोरा लेइ कै आवा रहा जो गिटार केस नियन रहा, छात्र गिटार केस से एक लंबी शिकार वाली बंदूक निकारिस।” उ बताइन कि छात्र कम से कम चार राउंड फायरिंग कीन जेकरमा एक क्लासरूम कै भीतर भी गोली चलाई जंवा टीचर अउर छात्र मौजूद रहिन। गोली कै निशान ब्लैकबोर्ड पर भी लागि गवा।
टीचर अउर हेडमास्टर कै हालत स्थिर
अधिकारियन टीचर अउर हेडमास्टर कै हालत कै बारे मां जानकारी देतै बताइन कि 53 बरिस कै हेडमास्टर अउर 37 बरिस कै टीचर कै हालत गंभीर नाहीं अहै। बड़े बुचेस-डु-रोन इलाका कै प्रीफेक्ट जैक्स विटकोव्स्की कहिन, “संदिग्ध अभी तक अज्ञात कारणन से हेडमास्टर पर गोली चलाई।” जेसे उनकै जांघों अउर पीठ कै निचला हिस्सा मां गोली लागि गई। उ बताइन कि एकर बाद दूसर टीचर पर गोली चलाई जेकरा गोली कै छर्रा लागि गवा अउर फेर स्टाफ कै एक सदस्य उससे हथियार छीन लिहिस।
